ABŞ-ın Güləni qaytarmaq üçün Türkiyəyə şərti 18 İyul 00:58

ABŞ-ın Güləni qaytarmaq üçün Türkiyəyə şərti

"Bizim Türkiyə hökumətindən istəyimiz dəlillərdir".

ABŞ Türkiyədə hərbi çevrilişi təşkil etməkdə günahlandırılan Fətullah Gülənin ekstradisiyasi ilə bağlı açıqlama verib.
 
ANS PRESS-in məlumatına görə, Lüksenburqda açıqlama verən dövlət katibi Çon Kerri deyib ki, Türkiyədən onun ekstradisiyası barədə rəsmi istək gəlməyib.

“Amma bizə Türkiyədən rəsmi tələb bildirilərəsə, onu dəyərləndirərik. ABŞ heç kimi saxlamır. Bizim  Türkiyə hökumətindən istəyimiz  dəlillərdir. ABŞ-a ekstradisiyanı şərtləndirəcək dəllilərin bizə verilməsi vacibdir".

Kerri deyib ki, Türkiyə höküməti artıq söz edilən sənədləri hazırlayıb və qısa bir müddət ərzində ABŞ-ın aidiyyəti qurumlarına təqdim edəcək.

Con Kerri-ABŞ dövlət katibi
Con Kerri-ABŞ dövlət katibi

Türkiyə prezidenti Rəcəb Tayyib Ərdoğan dövlət çevrilişinə cəhdin konkret olaraq Fətullah Gülən və ona yaxın dairələr tərəfindən təşkil edildiyini bəyan edib. O, ABŞ rəhbərliyinə müraciət edərək Gülənin Türkiyəyə ekstradisiyasını tələb edib.